Գիտելիքը
Ամենամնայուն կապիտալն է
2023-2024 ուսումնական տարվա բակալավրի կրթական ծրագրերով առկա ուսուցման ընդունելության գործընթացը շարունակվում է
ԳԹԿ ՏՆՕՐԵՆԸ ՀԱՍՏԱՏԵԼ Է 2023 ԹՎԱԿԱՆԻ ՄԻԱՍՆԱԿԱՆ ՔՆՆՈՒԹՅՈՒՆՆԵՐԻ ԵՐԿՐՈՐԴ ՓՈՒԼԻ ՕՐԵՐԸ
· «Քիմիա», «Ռուսաց լեզու»---------------------------------------------------հունիսի 9
· «Օտար լեզուներ» -----------------------------------------------------------------հունիսի 13
· «Մաթեմատիկա»--------------------------------------------------------------------հունիսի 16
· «Հայոց լեզու և հայ գրականություն»------------------------------հունիսի 20
· «Կենսաբանություն», «Աշխարհագրություն»---------------հունիսի 23
· «Հայոց պատմություն», «Ֆիզիկա» --------------------------------- հունիսի 27
Բուհերի ընդունելության երկրորդ փուլի քննությունների դիմում-հայտերն ընդունվում են ապրիլի 15-ից մինչև մայիսի 10-ը:
Առաջին փուլի մասնագիտության դիմում-հայտերը, երկրորդ փուլի միասնական քննությունների և մասնագիտությունների հայտերը, ներբուհական քննությունների և մասնագիտությունների հայտերը (այսուհետ՝ ընդունելության դիմում-հայտ) լրացնելը և մուտքագրելը`
1) դիմորդը ներբուհական կամ երկրորդ փուլի միասնական քննություններին մասնակցելու և ընտրած մասնագիտությունը նշելու համար ԳԹԿ-ի կայքում ապրիլի 15-ից մինչև մայիսի 10-ը՝ մինչև ժամը 18:00-ն լրացնում է ընդունելության դիմում-հայտը: Ընդունելության դիմում-հայտի ձևը հաստատում է ԳԹԿ-ի տնօրենը.
2) ԳԹԿ-ն տվյալ տարվա ապրիլի 1-ից առնվազն երեք անգամ զանգվածային լրատվության միջոցներով հրապարակում է հայտարարություն, որում պարտադիր նշվում են ընդունելության դիմում-հայտերի ընդունումն սկսելու և ավարտելու ժամկետները, նախնական կամ միջին մասնագիտական ուսումնական հաստատությունների, նախորդ տարիների շրջանավարտների ընդունելության դիմում-հայտերն ընդունող հանրակրթական ուսումնական հաստատությունների (այսուհետ` դպրոց) անվանումները.
3) դիմորդն ընդունելության դիմում-հայտում լրացնում է բուհերի բակալավրի ու անընդհատ և ինտեգրացված կրթական ծրագրերով առկա ուսուցման մասնագիտությունների և ընդունելության քննությունների՝ ցանկով նախատեսված մեկ բուհի և մեկ մասնագիտության (կրթական ծրագրի) անվանումը, տվյալ մասնագիտությամբ (կրթական ծրագրով) սովորելու համար սահմանված ընդունելության քննությունները, բարձրագույն ռազմական ուսումնական հաստատություններ դիմելու դեպքում՝ Հայաստանի Հանրապետության պաշտպանության նախարարության սահմանած քննությունները: Ցանկի «Ընդունելության քննություններ» բաժնի սյունակում միասնական քննությունների առարկաները «կամ» բառով տարանջատված լինելու դեպքում դիմորդին թույլատրվում է ընտրել նշված ընդունելության քննություններից մեկը.
4) դիմորդները քննությանն առնչվող հարցերի մասին տեղեկատվություն կարող են ստանալ դպրոցներից, Հայաստանի Հանրապետության մարզպետարանների և Երևանի քաղաքապետարանի աշխատակազմերից, ԳԹԿ-ից` անմիջականորեն կամ համացանցային կայքի միջոցով.
Ընդունելության դիմում-հայտը լրացնելու համար անհրաժեշտ է նաև`
- 3x4 չափի լուսանկարի էլեկտրոնային տարբերակը,
- անձնագրի կամ ծննդյան վկայականի պատճենը,
- ՀՀ ֆինանսների նախարարությունում Գնահատման և թեստավորման կենտրոնի 900018003401 հաշվեհամարին յուրաքանչյուր քննության համար փոխանցված 1500 (հազար հինգ հարյուր) դրամ վճարի անդորրագիրը (ՇՊՀ ֆիզիկական դաստիարակություն և սպորտային մարզումներ, Նախնական զինվորական պատրաստություն և դեկորատիվ ր կիրառական արվեստ մասնագիտությունների դիմորդները յուրաքանչյուր քննության համար վճարում են 1500 (հազար հինգ հարյուր) դրամ ՇՊՀ 163528999994 հաշվեհամարին)։
Միասնական քննությունների վճարից ազատվում են`
- պարտադիր ժամկետային ծառայությունից զորացրված անձինք,
- 1-ին և 2-րդ խմբերի և մինչև 18 տարեկան մանկուց հաշմանդամները,
- ՀՀ պաշտպանության ժամանակ զոհված զինծառայողների երեխաները,
- առանց ծնողական խնամքի մնացած մինչև 23 տարեկան անձինք:
Վերոգրյալ խմբերին պատկանող անձինք դիմում-հայտին համապատասխանաբար կցում են զինվորական գրքույկի պատճենը, հաշմանդամության տեղեկանքի պատճենը, ՀՀ պաշտպանության նախարարության, ՀՀ կառավարությանն առընթեր ոստիկանության և ՀՀ կառավարությանն առընթեր ազգային անվտանգության ծառայության կողմից տրված տեղեկանքների պատճենները, ինչպես նաև առանց ծնողական խնամքի մնացած լինելու վերաբերյալ համապատասխան փաստաթղթերի պատճենները:
Ու Շ Ա Դ Ր Ու Թ Յ Ու Ն
Ի գիտություն շրջանավարտների և դիմորդների
Մեկնարկում է 2023-2024 ուսումնական տարվա բակալավրի կրթական ծրագրերով առկա ուսուցման ընդունելության գործընթացը
Գյումրու թիվ 10 հիմնական դպրոց«Քիմիա», «Ռուսաց լեզու»-----------------------------հունվարի 15«Օտար լեզուներ»-------------------------------------------հունվարի 22«Հայոց լեզու և հայ գրականություն»--------------հունվարի 29«Մաթեմատիկա»--------------------------------------------փետրվարի 4«Կենսաբանություն», «Աշխարհագրություն»--փետրվարի 5«Հայոց պատմություն», «Ֆիզիկա» ----------------փետրվարի 12Գնահատման և թեստավորման կենտրոնը ս․թ․ դեկտեմբերի 15-ից սկսում է 2022-2023 ուստարվա շրջանավարտների պետական ավարտական և 2023 թվականի բուհերի ընդունելության համար սահմանված միասնական քննությունների (I փուլ, հունվար) հայտագրման գործընթացը:
Պետական ավարտական քննություններին մասնակցելու համար շրջանավարտը մինչև դեկտեմբերի 10-ը գրավոր դիմում է իր ուսումնական հաստատության տնօրենին։ Ուսումնական հաստատության տնօրենը պետական ավարտական քննություններ հանձնողների ցուցակ-հայտերը Գնահատման և թեստավորման կենտրոնի info@atc.am էլեկտրոնային հասցեին է ուղարկում դեկտեմբերի 15-ից 30-ը։
Միասնական քննությանը մասնակցելու համար շրջանավարտը (դիմորդը) առցանց եղանակով Գնահատման և թեստավորման կենտրոնի dimord.am կայքէջում պետք է լրացնի ընդունելության դիմում-հայտ:
Շրջանավարտը (դիմորդը) առարկայական դիմում-հայտում լրացնում է առավելագույնը երկու միասնական քննություն։ Դիմում-հայտը լրացնելու համար շրջանավարտը դիմում է իր ուսումնական հաստատության տնօրենին, իսկ նախորդ տարիների և 2022-2023 ուստարվա նախնական և միջին մասնագիտական ուսումնական հաստատությունների շրջանավարտները, օտարերկրացիները, օտարերկրյա ուսումնական հաստատությունների՝ տվյալ ուսումնական տարվա շրջանավարտ Հայաստանի Հանրապետության քաղաքացիները դիմում են իրենց բնակության վայրի` այդ նպատակով առանձնացված ուսումնական հաստատության տնօրենին:
Շիրակի մարզում առանձնացված ուսումնական հաստատությունների ցանկը՝
Գյումրու թիվ 2 ավագ դպրոց (Գյումրի, Ախուրյան)
Արթիկի թիվ 3 ավագ դպրոց
Մարալիկի թիվ 1 միջն. դպրոց
Աշոցքի միջն. դպրոց
Ամասիայի միջն. դպրոց
Գյումրու թիվ 2 ավագ դպրոց (Գյումրի, Ախուրյան)
Արթիկի թիվ 3 ավագ դպրոց
Մարալիկի թիվ 1 միջն. դպրոց
Աշոցքի միջն. դպրոց
Ամասիայի միջն. դպրոց
